يا الجمالك زينة بادي في رضاك غاية مُرادي
تكفي منك إبتسامة ويا المعاك راحة فؤادي
حُبي ليك حُب ما إعتيـــــــادي
قلبي بلقي الفرحة جنبك لو تحن وتسيب عنادي
عارفوا بتقسيهوا قلبك ليه بتتعمد بعادي
حُبي ليك حُب ما إعتيـــــــادي
زيد في دلك وزيد في تيهك وأصلو ما بغيير في ريدي
إنت الحان عمري كلوا وإنته أنشودة وجودي
حُبي ليك حُب ما إعتيـــــــادي
أيه جنيت وانا حبي طاهر كل يوم يزداد شرودي
قول سبب علل صدودك ديمة بفرح بيك مرادي
حُبي ليك حُب ما إعتيـــــــادي...