عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد
عليك الله الزمن غدار
مصيرنا بكرة ما بالإيد
وماعاد في قلوبنا مكان
تاني جرح جديد
سنين يا غالي ما ضحكنا
ولا اتبسمنا بالمرة
وأول مرة في الدنيا
تعدي شهور بدون قمرة
حرام بعدك تلاقي (النار)
نعيم دنيانا وأشواقا
نعيش تاني المرار والنار
بعاد أرواحنا وفراقا
عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد
0 تعليق: